Search

Malta shndërrohet në ‘parajsën’ e kriptovalutave

Shkëmbimet dixhitale kanë gjetur një strehë të re në një arkipelag në Detin Mesdhe.

Shumica e tregtisë së kriptovalutave tani ndodh në tregjet me seli në Maltë, kombi i ishullit evropian që kërkon të rritë fatin e vet, duke u bërë një prej juridiksioneve më miqësore në botë për një sektor që ka shkaktuar shqetësim midis rregullatorëve të tjerë.

“Shumë shkëmbime mund të kenë përdoruesit në një vend të caktuar, por shpesh kjo nuk është ajo ku kompania ka zgjedhur të regjistrohet ligjërisht. Pjesa më e madhe e vëllimeve të tregtimit të kriptovalutave funksionojnë jashtë kompanive të vendosura ligjërisht në Maltë”, tha Sheena Shah nga Morgan Stanley.

“Vendi do të ishte më poshtë në listë nëse nuk do të ishte një lëvizje e kohëve të fundit nga shkëmbimi më i madh i kriptovalutave në botë”, vuri në dukje ajo.

Binance, e themeluar vitin e kaluar në Hong Kong, tha në mars se po shkon në Maltë pasi rregullatorët në Azi ‘shkatërruan’ paratë virtuale.

Ndërkohë që një pjesë e madhe e vëllimit të tregtisë po lëviz në Maltë, shumica e shkëmbimeve të kriptovalutave ende gjenden në Britani, Hong Kong dhe SHBA.