Gazeta Ekonomia

kupto ekonominë

Trump: Koha për ringritje të ekonomisë

Donald Trump do ta bëjë që Amerika të hapet përsëri pikërisht siç ai dëshiron dhe këtë analistët e cilësojnë si një fitore mbi pandeminë e Coronavirusit. Edhe pse një nga epiqendrat më të prekshme të virusit që ende vuan qindra vdekje çdo ditë, Trump thotë se tani është koha për të treguar se Shtetet e Bashkuara janë gati për një mrekulli të rilindjes ekonomike.

Për pasojë, Trump planifikon të nxjerrë udhëzime të reja që tregojnë shtetet që mund të heqin urdhrat e qëndrimit në shtëpi dhe të lehtësimin e masave të distancimit social përpara 1 majit. Kjo duhet të jetë një shenjë kryesore dhe unifikuese në luftën kundër sëmundjes që ka vrarë tani më shumë se 30 mijë amerikanë dhe që ka goditur ekonomikisht vendin.

Por edhe pse shumë shtete amerikane mendohet të kenë kaluar piku, të tjerët akoma përballen me gjendje serioze dhe masa e Trumpit po rrezikon të vijë si një shpërqendrim i madh ndaj kujdesit që duhet treguar.

“Ne do të shpallim udhëzime e do të flasim me shtete të ndryshme dhe është shumë emocionuese! Ne do të kthehemi, të gjithë ne! Është e jashtëzakonshme, çfarë po ndodh! Do t’i kemi disa hapje që do të tejkalojnë pritjet tona dhe ato do të jenë të sigurta”, deklaroi Trump.

Guvernatorë të shumtë thanë se shtetet e tyre nuk janë askund afër hapjes, me disa paralajmërime se rastet e tyre me Coronavirusit ende nuk kishin majën.

Trump përmendi lajme të mira për një lakore të ngadalësuar në Washington, por kryetari Muriel Bowser zgjati gjendjen e jashtëzakonshme të rrethit deri në 15 maj. Kryetari i Los Anxhelosit, Eric Garcetti tha se ai mund të ndalojë ngjarjet sportive deri në vitin 2021, ndërkohë që pas komenteve për hapjen e vendit, me riskun e shtuar të një vale të dytë infeksionesh, mjekët dhe infermierët në vijat e frontit kaluan një ditë tjetër plot agoni dhe frike.